Nyhetsdetaljer | Arna Rotary

Eldrefesten 2026

Måndag 12. januar var det igjen tid for Arna Rotaryklubb sin årlege eldrefest i Kyrkjelydshuset i Arna. Dette er eit arrangement med tradisjon mange år tilbake i tid, og denne gongen var det 96 gjestar som benka seg kring pynta bord for å nyta velsmakande snittar, varm sjokolade og seinare kaffi og tebrød.

Og innimellom dette var det helsing frå klubben sin president, Odd Fosse, og Haukeland Songlag deltok med vakker julesong slik dei har gjort i veldig mange år. Ein stor takk til Haukeland Songlag som altså kvart år bidreg med julstemning også på nyåret. Og det er absolutt noko som blir sett stor pris på av gjestane på festen.

Kåsør denne kvelden var Tor Solhaug, og han tok oss med på daglegliv hjå slektningar i Eksingedalen frå tidleg på 1900-talet og nokre tiår framover. Med sin gode forteljarevne gav han forsamlinga ei hyggjeleg stund.

Dei aller fleste gjestane på eldrefesten blir henta av Rotaryklubben sine medlemmer, og etter festen blir dei frakta trygt heim igjen av dei same sjåførane.

Det meste på eldrefesten er altså gode tradisjonar, slik også med stemningsfull avslutning med Deilig er jorden, akkompagnert av den faste pianisten på desse festane, Jan Erik Reknes.

På vår Facebookside finn du fleire bilete frå festen: https://www.facebook.com/share/p/1NpvBMSMZH/